Pride lea hárjehallanbáiki midjiide buohkaide

Čállen Ávviris mu Pride-vásáhusas. Mun čohkkájin jaskat láhtteránu alde Berlina Pride-dáhpáhusaid muitoboddu maŋŋel. Sápmi Pride Anára girkogilis dovddan dego livččen liekkus gilidáhpáhusas.

Birrasis lea ilolaš ságastallan – ja maiddái ságastallan das gos gávnnašii sálbmagirjji sámegillii dasgo dan lea váttis gávdnat. Dáhpáhusas leat sáhkavuorrut, musihkka, deaivvadeamit ja váras gáfe hádja.

Anára gieldda negatiiva mearrádus loktet Pride-leavgga jagis 2024 čájehii man váttis lea muhtumin hukset searvevuođadovddu. Vuosttaš geardde Pride-leavga levgejuvvui virggálaččat Anáris 2026.

Muhtimat oaivvildit ahte ovttaveardásašvuohta lea juo gárvvis, earát fas imaštallet manin lea dárbu sierra Pride-ávvudeapmái. Pride čohkke máŋga iešguđetlágan olbmo ja muitalusaid seamma arvegoavddi vuollái. Vaikko ávvudeapmi čalmmustahttá sohkabeal- ja seksuála unnitloguid ja sin lagaš olbmuid, de loahpas guoská min buohkaid gudnejahttima ja ovttasdoaibmama bokte.

Ođđa ja dovdameahttun áššit lunddolaččat bohciidahttet min siste ovdagáttuid, mat sáhttet leat duođat, muhtun muddui duođat dahje áibbas boastut. Pride ii leat buot maid sáhttá jurddašit, ja máŋga ášši leat dahkkonge Pride suojis. Ii oktage mis dárbbaš rievdadit iežas árvvuid vai sáhttá gudnejahttit earáid olmmošárvvu. Soaitá ahte leat maiddái mánnán oahppan: Ii dárbbaš liikot buohkaide, muhto ferte dohkkehit nubbi olbmo.

Jus mun in livčče dál čohkkámin Sápmi Pride láhtteránu alde ja livččen dušše lohkamin dáhpáhusa birra neahtas de soaittášin oažžut oalle ovttabeallásaš dahje provoserejeaddji gova das. Muhto duohtavuohta báikkis lea earálágan – fiinna ja ráfálaš. Dát buktá stuorát gažaldaga das mo mii deaivvadit nubbi nuppiin. Pride sáhttá vaikko smiehttat hárjehussan dasa mo mii eallit harmoniijas iešguđet olbmuiguin árgabeaivválaččat. Ávžžuhan du searvat Pridei ovdagáttuid haga.

Sápmi Pride mielde ”ulbmilin lea ovddidit sápmelaš seksuála- ja sohkabeallevehádagaid buresveadjima ja ovttaveardásaš meannudeami.”